Ֆրանսահայ բժիշկները «Նաիրի» բժշկական կենտրոնում կատարել են բարդ դեպքերի խորհրդատվություններ, բացառիկ վիրահատություններ
26 Mar 2021
Պատերազմի օրերին ֆրանսահայ բժիշկների նախաձեռնությամբ ստեղծվել է «Santé Arménie» հիմնադրամը, որի նպատակն է օժանդակել, սեփական փորձը փոխանցել հայ բժիշկներին՝ դարձնելով Հայաստանի առողջապահությունն ավելի մրցունակ:
Հերթական այցի շրջանակում աուտոիմունոլոգ, քիթ-կոկորդ-ականջաբան, ուռուցքաբան և բժշկության այլ բնագավառի մասնագետներ հայաստանյան գործընկերների հետ քննարկել ու հստակ ծրագրել են անելիքները:
Հայտնի մասնագետները «Նաիրի» բժշկական կենտրոնում կատարել են բարդ դեպքերի խորհրդատվություններ, բացառիկ վիրահատություններ՝ վերականգնելով պատերազմի ժամանակ թմբկաթաղանթի վնասվածքներ ստացած զինվորների լսողությունը:
